ആഗ്രഹങ്ങള്‍ വിതുമ്പലോടെ വീട്ടിലേയ്ക്കോടി..
അന്തിമിനുക്കമവസാനിക്കുന്ന ആശാവഴികളിലേയ്ക്കുനോക്കി
അവര്‍ മൗനരാഗമുതിര്‍ത്തു...
ആര്‍ത്തനാദങ്ങളുണരുന്ന അകത്തളങ്ങളിലേയ്ക്കു നോക്കി
അവര്‍ നെടുവീര്‍പ്പടക്കി..
അടര്‍ന്നുവീഴുന്ന അവസാനപ്രകാശകണികയ്ക്കുമപ്പുറം,
അവര്‍ നിര്‍വികാരതയുടെ കറുത്തമേലങ്കിയെടുത്തണിഞ്ഞു!!
അന്യമാകുന്ന മിന്നാമിനുങ്ങിന്റെ അവസാന നുറുങ്ങുവെട്ടത്തിനുമൊടുവില്‍...
അപ്രകാശിതമായ ആശയക്കൂമ്പാരങ്ങളുമായി അവര്‍ ആത്മാഹൂതി ചെയ്തു!!
