Saturday, July 21, 2012

അറിയാതെ സംഭവിയ്ക്കുന്ന ആത്മഹത്യകള്‍!!








ആഗ്രഹങ്ങള്‍ വിതുമ്പലോടെ വീട്ടിലേയ്ക്കോടി..

അന്തിമിനുക്കമവസാനിക്കുന്ന ആശാവഴികളിലേയ്ക്കുനോക്കി

അവര്‍ മൗനരാഗമുതിര്‍ത്തു...

ആര്‍ത്തനാദങ്ങളുണരുന്ന അകത്തളങ്ങളിലേയ്ക്കു നോക്കി

അവര്‍ നെടുവീര്‍പ്പടക്കി..

അടര്‍ന്നുവീഴുന്ന അവസാനപ്രകാശകണികയ്ക്കുമപ്പുറം,

അവര്‍ നിര്‍വികാരതയുടെ കറുത്തമേലങ്കിയെടുത്തണിഞ്ഞു!!

അന്യമാകുന്ന മിന്നാമിനുങ്ങിന്റെ അവസാന നുറുങ്ങുവെട്ടത്തിനുമൊടുവില്‍...

അപ്രകാശിതമായ ആശയക്കൂമ്പാരങ്ങളുമായി അവര്‍ ആത്മാഹൂതി ചെയ്തു!!





Thursday, September 8, 2011

ഓര്‍മ്മയിലെ ഓണം....

   












മുക്കുറ്റി പൂക്കുന്ന മൂവാണ്ടന്‍ ചോടും..

മൂളിപ്പറക്കുന്ന പൂവണ്ടിന്‍ ചേലും...

പൂവിളിയായി..പൂക്കളമായി..

പൂമരക്കൊമ്പത്തൊരൂഞ്ഞാലായി!!


Monday, April 18, 2011

സത്യം എന്താകുന്നു?..



"സത്യം എന്താകുന്നു?..."

അധികാരഗര്‍വ്വുപിടിച്ച പീലാത്തോസ്‌

യുഗപുരുഷനായ യേശുവിനോട്‌ ചോദിച്ചു!!!

അറിവിന്റെ നിറവില്‍ മൗനമെടുത്തണിഞ്ഞ യേശുവിനുമുന്നില്‍

വിജയകിരീടമാഗ്രഹിച്ച പീലാത്തോസിനൊപ്പം..

നൂറുനൂറു അഭിനവപീലാത്തോസുമാര്‍

നിങ്ങളോടും ചോദിയ്ക്കും..

"ഈ സത്യം എന്താകുന്നു?!!!"

അവര്‍ക്കുമുന്നില്‍ നിങ്ങള്‍ക്കും വാക്കുകള്‍ നഷ്ടപ്പെടും!!

ശിക്ഷയുടെ കുരിശുകള്‍ നിങ്ങള്‍ക്കായും പണിയപ്പെടും

അപ്പോഴും ഓര്‍ക്കുക..

സത്യം സത്യമാകുന്നു!!

സത്യം സത്യംമാത്രമാകുന്നു!!






Thursday, February 3, 2011

അത്‌ ഒരു കവിതയായിരുന്നു!!!










മഴ പെയ്യുന്നു...

പൂമരങ്ങളില്‍..

പുല്‍ത്തലപ്പുകളില്‍..

സ്ഫടികമണികള്‍
ഊഞ്ഞാലാടുന്നു..

കാറ്റിന്റെ കൊമ്പത്ത്‌..

എകനായ ഒരു കിളി പാടുന്നു....
അത്‌ ഒരു കവിതയായിരുന്നു!!!